У гэтых рэгіёнах вызначаны чацвёрты апошні клас пажарнай небяспекі. На ўсёй астатняй тэрыторыі Беларусі ўведзена толькі абмежаванне на наведванне лясоў.
Рашэнне аб поўнай забароне ўведзена ў Пухавіцкім, Акцябрскім, Лельчыцкім і Драгічынскім раёнах.
З пачатку 2026 года ў лясах краіны ўжо адбылося 67 загаранняў на плошчы 20,6 га. Найчасцей — 29 выпадкаў — у Брэсцкай вобласці.
Асноўнымі прычынамі загаранняў у гэты перыяд з’яўляюцца сельскагаспадарчыя пажары і неабачлівае абыходжанне з агнём.
Пры забароне нельга ўвогуле наведваць лес.
Пры ўведзеных абмежаваннях у лес усё ж можна хадзіць, але з сур’ёзнымі агаворкамі. Дазволены пешыя прагулкі, збор грыбоў і ягадаў.
Аднак адначасова катэгарычна забараняецца ў такіх рэгіёнах разводзіць вогнішчы, заязджаць у лес на асабістым транспарце, праводзіць масавыя мерапрыемствы, турыстычныя злёты і арганізоўваць пікнікі з намётамі.
Цяпер чытаюць
Ці магчымы другі Чарнобыль? І што цяпер робяць людзі на той АЭС? Навукоўка адказвае на важныя пытанні4
Каментары