Праз сітуацыю на Блізкім Усходзе Егіпет уводзіць надзвычайныя меры па эканоміі паліва і электраэнергіі
Для турызму пакуль робяць выключэнне.
Урад Егіпта ўвёў надзвычайныя меры па эканоміі электраэнергіі на фоне імклівага росту цэн на паліва, выкліканага вайной з Іранам. Усе гандлёвыя кропкі і ўстановы грамадскага харчавання абавязаны спыняць працу не пазней за 21:00.
Абмежаванні сталі адказам на фактычную блакаду Армузскага праліва, праз які праходзіла да 20% сусветных паставак нафты і газу. Хоць Егіпет не з’яўляецца бокам канфлікту, яго залежнасць ад імпартнага паліва зрабіла эканоміку краіны вельмі ўразлівай да знешніх шокаў.
Прэм'ер-міністр краіны Мастафа Мадбулі адзначыў, што выдаткі на бензін толькі за сакавік выраслі больш чым удвая, дасягнуўшы 2,5 млрд долараў.
Акрамя ранняга закрыцця бізнесу, урад прыняў шэраг іншых «выключных мер», якія будуць дзейнічаць на працягу месяца.
Сярод іх — прыглушэнне вулічнага асвятлення і рэкламных шчытоў, скарачэнне паліўных лімітаў для дзяржаўных аўтамабіляў на трэць, а таксама перавод многіх супрацоўнікаў на дыстанцыйную працу адзін дзень на тыдзень у красавіку.
Пры гэтым гатэлі і турыстычныя аб'екты застануцца выключэннем, бо турызм забяспечвае каля 10% егіпецкай эканомікі.
Сітуацыя ўскладняецца тым, што суднаходства праз Армузскі праліў амаль спынілася з-за пагроз Ірана атакаваць нафтавыя танкеры. Крызіс пачынае закранаць і іншыя рэгіёны: у Эфіопіі дзяржаўным кампаніям ужо загадалі адправіць частку персаналу ў адпачынак для эканоміі транспартнага паліва.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары