Прэм’ер-міністр Літвы Гінтаўтас Палуцкас выказаўся супраць прапановы групы кансерватараў у Сейме аб узмацненні нацыянальных санкцый у дачыненні да грамадзян Расіі і Беларусі, піша tv3.lt.
«Так, мы чуем пра пагрозы нацыянальнай бяспецы, аднак бачыць у кожным прыбылым шпіёна — таксама неадэкватна», — сказаў ён.
Ён падкрэсліў, што ўрад прадставіў збалансаваны законапраект, які ўлічвае як санкцыі, так і іх уплыў. Палуцкас адзначыў, што ў Літве пражывае значная дыяспара беларусаў, якія працуюць і інвестуюць у эканоміку краіны. Ён таксама нагадаў, што суседняя Польшча не ўводзіць падобных абмежаванняў.
Прэм’ер-міністр падкрэсліў, што не варта ўсіх пад адзін грэбень лічыць пагрозай нацыянальнай бяспецы, і дадаў: «Мы выдзелілі больш фінансавання Дэпартаменту дзяржаўнай бяспекі — няхай яны ў адпаведнасці са сваімі функцыямі і абавязкамі ловяць усіх шпіёнаў»
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы46
Каментары