У Мінску сабака скокнуў на ногі дзіцяці — уладальніка жывёлы пакаралі
У Першамайскім раёне сталіцы мясцовы жыхар выгульваў англійскага кокер-спаніэля без павадка і намордніка. У нейкі момант сабака падбег да хлопчыка, які накіроўваўся ў школу, і пачаў скакаць на яго ногі.
Дзіця моцна спалохалася, і маці школьніка звярнулася ў міліцэйскі пастарунак. У дзеяннях гаспадара знайшлі склад адміністрацыйнага правапарушэння, але спачатку не пакаралі, вынеслі толькі папярэджанне.
Пры гэтым у пацярпелага хлопчыка медыкі выявілі «посттраўматычны сіндром» і іншыя парушэнні здароўя. Пасля звароту маці хлопчыка пракуратура адмяніла рашэнне мясцовага пастарунка, справу перадалі следчаму, а затым накіравалі ў суд.
У выніку ўладальнік сабакі атрымаў штраф 420 рублёў за парушэнне правілаў утрымання жывёл, якое пацягнула за сабой прычыненне шкоды здароўю. Акрамя таго, высветлілася, што сабака не зарэгістраваны, і мужчыне вынеслі яшчэ адно папярэджанне.
Амерыканцы дабіліся вызвалення Юрыя Зянковіча. Ён быў прысуджаны да 11 гадоў зняволення18
Каментары