На перагоне Цялуша — Чырвоны Бераг (участак Асіповічы — Жлобін) адбылося сутыкненне цягніка міжрэгіянальных ліній бізнэс-класа №752 Мінск — Гомель з грузавым аўтамабілем-лесавозам, паведаміла прэс-служба Беларускай чыгункі.

Паводле папярэдняй інфармацыі, кіроўца лесавоза выехаў на чыгуначны пераезд на забараняльны сігнал святлафора, у выніку чаго адбылося сутыкненне з цягніком, які рухаўся.
У момант аварыі ў цягніку знаходзілася 240 пасажыраў. На шчасце, ніхто з іх не пацярпеў. У выніку інцыдэнту пашкоджаныя кабіна цягніка, два вагоны і кантактная сетка.
Рух цягнікоў на гэтым участку часова прыпынены. Беларуская чыгунка аператыўна працуе над ліквідацыяй наступстваў аварыі. Для дастаўкі пасажыраў да месцаў прызначэння будзе арганізаваны дадатковы цягнік.
Цяпер чытаюць
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца
Каментары