Дуглас Эмхаф, муж былой кандыдаткі ў прэзідэнты ЗША ад Дэмакратычнай партыі Камалы Харыс, паведаміў, што прэзідэнт ЗША Дональд Трамп звольніў яго са складу Рады дырэктараў музея Халакосту ў Вашынгтоне, піша Bild.
Эмхаф напісаў пост у сацсетцы Х, у якім абвінаваціў Трампа ў тым, што той звольніў яго па палітычных прычынах. Ён таксама сцвярджае, што тым самым прэзідэнт ЗША палітызуе і сам Халакост:
«Памяць пра Халакост і адукацыю ў гэтай сферы ніколі не павінны рабіцца прадметам палітызацыі. Ператвараць адно з самых жудасных злачынстваў у гісторыі чалавецтва ў прадмет спрэчак — небяспечна і абражае памяць пра шэсць мільёнаў яўрэяў, забітых нацыстамі, якую гэты музей павінен захоўваць».
Эмхаф таксама дадаў, што, нягледзячы ні на што, працягне працаваць над захаваннем памяці пра Халакост.
Дуглас Эмхаф, які вызнае іудаізм, быў прызначаны ў Раду музея папярэднікам Трампа — Джо Байдэнам. 55 з 63 членаў Савета традыцыйна прызначаюцца прэзідэнтам ЗША.
Паводле інфармацыі New York Times, Трамп таксама звольніў іншых членаў Рады, прызначаных папярэднім прэзідэнтам — у тым ліку былога кіраўніка апарата Байдэна Рона Клейна і былую дарадцу па нацыянальнай бяспецы прэзідэнта Барака Абамы Сьюзан Райс.
У лютым Трамп таксама звольніў некалькіх членаў рады дырэктараў Культурнага цэнтра імя Кенэдзі ў Вашынгтоне і сам прызначыў сябе старшынёй гэтай рады.
Трамп верыць, што Пуцін хоча спыніць вайну, але дапускае, што той «дурыць яму галаву»
Трамп дапусціў, што можа перайсці на бок Украіны
Беларус, які жыве ў Тэхасе, тлумачыць, чаму рашэнні Трампа зразумелыя многім амерыканцам
«У яго што, не было чорнага касцюма?» Трампа крытыкуюць за праяўленне непавагі на пахаванні Папы Францішка
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары