Урад Літвы тлумачыць гэта павышанымі пагрозамі для дзяржаўнай бяспекі з-за незаконнай міграцыі і змену тактыкі беларускіх разведвальных і памежных службаў
Паводле гэтага рашэння, забараняецца перамяшчэнне матацыкламі, мапедамі і матарызаванымі роварамі праз пункты пропуску Меднікі і Салечнікі (з беларускага боку — Каменны Лог і Беняконі). Рух праз гэтыя пункты на мяжы з Беларуссю будзе магчымы толькі на аўтамабілях, гаворыцца ў пастанове ўрада.
Акрамя таго, пастанова прадугледжвае магчымасць часова абмежаваць перамяшчэнне асоб праз пункты пропуску Салечнікі і Меднікі, калі будзе выяўлена, што беларускія ўлады выкарыстоўваюць мігрантаў у якасці інструмента ціску. «У апошні час назіраюцца спробы беларускіх памежнікаў накіроўваць мігрантаў у пункты пропуску без належных дакументаў або з парушэннем патрабаванняў Шэнгенскага памежнага кодэксу», — зазначаецца ў прапанове ўрада.
Выконваць палажэнні гэтай пастановы ўраду даручана Службе аховы дзяржаўнай мяжы.
«Наша мэта — забяспечыць максімальную ахову дзяржаўнай мяжы і перашкодзіць пагрозам, што ствараюцца штучна арганізаванай міграцыяй з боку рэжыму Лукашэнкі, а таксама магчымым гібрыдным нападам на мяжы з Беларуссю. Новыя абмежаванні, прынятыя ўрадам, таксама дапамогуць скараціць уплыў беларускіх разведвальных і спецыяльных службаў і знізіць іх магчымасці вербаваць грамадзян Літвы і Беларусі», — заявіў міністр унутраных спраў Літвы Уладзіслаў Кандратовіч.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары