Мы часта ядзім спехам, адцягваючыся на чытанне, прагляд фільмаў і карыстанне гаджэтамі. Аказваецца, гэта ўплывае не толькі на страваванне і з'яўленне лішніх кілаграмаў, але і на ўзровень стрэсу і пачуццё шчасця, сцвярджаюць навукоўцы.
Есці на хаду, з тэлефонам у руках і з вачыма ў серыяле — звыклая рэч. Але менавіта так мы шкодзім сабе: ад страўніка да настрою, піша ВВС.
Ці даводзілася вам адчуваць уздутасць, цяжар у жываце, а пасля яшчэ і драманне ці слабасць? Усё гэта можа быць вынікам звычайнай спешкі падчас абеду.
«Калі мы ядзім павольна, ежа лепш расшчапляецца. Гэта палягчае страваванне», — тлумачыць дыетолаг Лівія Хасэгава. «Я часта прыводжу сваім пацыентам простую аналогію: страўнік не мае зубоў — калі ежа паступае вялікімі кавалкамі, страваванне запавольваецца і становіцца менш эфектыўным».
20 хвілін — ключ да сытасці
Адчуванне насычэння не прыходзіць імгненна — трэба каля 20 хвілін, каб мозг зразумеў, што вы ўжо елі. Таму той, хто есць хутка, звычайна з’ядае больш, чым трэба. Лішак — ідзе «ў запас».
«Калі ежа праводзіць больш часу ў роце, актывуюцца сенсарныя сігналы, якія запускаюць страўнік і гармоны насычэння», — тлумачыць прафесар Сандэр Керстэн з Карнэлскага ўніверсітэта.
Пастаянная спешка — пастаянныя праблемы
Калі вы ясце хутка і штодня, наступствы не прымусяць чакаць: гастрыты, парушэнні мікрабіёту, што ўплывае на ўсю стрававальную сістэму. Далей — рызыка дыябету, атлусцення, праблемаў з ціскам, печанню і нават анкалогія.
Як сябе пераадолець
Лівія Хасэгава дае простыя парады:
адкладвайце відэлец пасля кожнага ўкусу, рабіце паўзы;
не ешце з тэлефонам, тэлевізарам ці ноўтбукам;
жуйце павольна, пакуль ежа не стане мяккай, амаль як кашыца;
маўчыце за сталом — гаворкі адцягваюць і часта правакуюць пераяданне;
ежа павінна быць асалодай, а не працэдурай «заправіцца». Гэта не мараль, а практыка здаровага жыцця.
-
Беларуская фітнэс-трэнерка два гады пакутавала ад невядомай хваробы. Здаецца, яна знайшла адказ — але ад яго не лягчэй
-
Нараджаецца менш дзяцей, бо праблемай стала зачаць. Вось што выявілі апошнія даследаванні, асабліва мужчынскага здароўя
-
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары
бабруйчанін, что ? госпаде боже... я думала - вы молодой