Чыноўнікі забаранілі праводзіць салодкія сталы на выпускных у дзіцячых садах. А фатографа паклікаць можна?
Выпускныя для дзіцячых садоў увайшлі ў моду. Але не ўсё можна арганізаваць проста ў садзе.
Выпускныя ў дзіцячых садках уваходзяць у моду. Бацькі хочуць уладкаваць свята для дзяцей, якім хутка трэба будзе садзіцца за школьныя парты. На выпускныя запрашаюць фатографаў, відэааператараў, аніматараў, ладзяць і салодкія сталы. Але аказваецца, што частаванне ў дзіцячым садзе можа быць праблемай.
У камітэце па адукацыі Мінгарвыканкама заявілі, што салодкія сталы ў дзіцячых садах ладзіць нельга. Прычыны ў ведамстве не патлумачылі, пiша «АиФ».
Магчыма, забарона звязаная ў тым ліку з клопатам аб здароўі дзяцей. Раней такую забарону тлумачылі і барацьбой з карупцыяй. Дарэчы, бацькам ніхто не забараняе арганізавацца і ўладкаваць выпускны ў кавярні ці гульнявым пакоі.
А вось заказаць фатографа ці аператара ў дзіцячы сад можна. Праўда, давядзецца запоўніць шмат папер. У першую чаргу, улічваючы патрабаванні да аховы персанальных даных, павінны быць атрыманыя пісьмовыя згоды на ўдзел дзяцей у здымках ад усіх законных прадстаўнікоў выхаванцаў.
Акрамя таго, давядзецца атрымаць права часовага карыстання маёмасцю дзіцячага саду. З гэтай мэтай афармляецца пакет дакументаў, які ўключае ў тым ліку дамову пагадзіннай арэнды. Усё гэта трэба зрабіць загадзя.
-
Ніводнага мінскага, гомельскага, італьянскага ці французскага. Затое ў Магілёве будуюць ужо чацвёрты расійскі дворык, гэтым разам — з мядзведзем
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі62
Каментары