Міжнародны дзень кнігі і аўтарскага права быў устаноўлены ЮНЕСКА ў 1995 годзе і штогод адзначаецца 23 красавіка. Што цяпер чытаюць беларусы і якім аўтарам аддаюць перавагу, высвятляў «Спутнік».
Намеснік генеральнага дырэктара ААТ «Белкніга» Інга Бекіш паведаміла, што сярод самых чытаных беларускіх пісьменнікаў — класікі: Уладзімір Караткевіч («Дзікае паляванне караля Стаха», «Каласы пад сярпом тваім», «Чорны замак Альшанскі»), Якуб Колас («На ростанях»), Іван Мележ («Людзі на балоце»), Максім Багдановіч («Выбраныя творы», «Вянок»), а таксама Васіль Быкаў («Жураўліны крык»).
Сярод расійскіх аўтараў беларусы чытаюць Міхаіла Булгакава («Майстар і Маргарыта»), Фёдара Дастаеўскага («Злачынства і пакаранне», «Браты Карамазавы»), Аляксандра Пушкіна («Яўген Анегін») і Віктара Пялевіна («Generation P»).
З замежнай літаратуры — «Спяшайся кахаць» Нікаласа Спаркса, «Смутак сатаны» Марыі Карэлі, «Кветкі для Элджэрнона» Дэніэла Кіза, «Джэйн Эйр» Шарлоты Брантэ, «Маленькі прынц» Антуана дэ Сент-Экзюперы, «Кафэ на краі зямлі» Джона Стрэлекі, «Граф Монтэ-Крыста» Аляксандра Дзюма і «Трыумфальная арка» Эрыха Марыя Рэмарка.
Паводле Бекіш, найбольш папулярныя жанры сярод беларускіх чытачоў — гэта раман, дэтэктыў, паэзія, фэнтэзі і фантастыка. Таксама людзі часта цікавяцца кнігамі па самаразвіцці і псіхалогіі.
Намеснік дырэктара выдавецтва «Мастацкая літаратура», галоўны рэдактар часопіса «Полымя» і пісьменнік Віктар Шніп адзначыў, што ў кожнага аўтара ёсць кнігі, якія варта прачытаць.
«А для тых, хто хоча пазнаёміцца з беларускай літаратурай, раю пачынаць з беларускага класіка Уладзіміра Караткевіча», — сказаў ён.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары