Мірсалімава пасмяялася з бравурнага ўсхвалення Азаронкам смеласці Лукашэнкі ў час пратэстаў
Прарасійская актывістка паставіла пад сумнеў міф пра геройскі подзвіг Лукашэнкі, нагадаўшы, што знакамітая «фотасесія з аўтаматам» праходзіла ў цалкам бяспечнай абстаноўцы на пустой вуліцы, а зусім не перад раз’юшаным натоўпам.
Прапагандыст Рыгор Азаронак у сваім традыцыйна эмацыйным допісе пра мабілізацыю дзяржаўнага апарата з пафасам пісаў пра неацэненую ахвярнасць Лукашэнкі:
«Як жа балюча і крыўдна Прэзідэнту. Ён для чаго хадзіў пад стрэлы бандытаў? Ён для чаго выходзіў з аўтаматам да звар'яцелага натоўпу?»
Аднак прарасійская актывістка Эльвіра Мірсалімава адрэагавала са здзеклівай іроніяй:
«Тым не менш ніводнага фота беларускага прэзідэнта з аўтаматам (і сынам) на фоне «раз’юшанага натоўпу, які страляе», мы не знойдзем. Бо іх няма. Бо і натоўпу не было: ён, без зброі і стрэлаў, са сваімі кветачкамі і парасонамі, сышоў задоўга да вядомай фотасесіі з аўтаматам».
Мірсалімава таксама з’едліва пракаментавала словы самога Лукашэнкі, сказаныя падчас яго нядаўняй паездкі ў Віцебск, дзе ён чарговы раз скардзіўся, як яму цяжка і што трэба зноў навесці парадак.
«Да слёз. 30 гадоў «захоўвалі», «аднаўлялі», «адраджалі»… І ўсё дарэмна…», — напісала Мірсалімава.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары