Удзельнік чэленджу Мэлстроя прыцягнуў на набярэжную ў Гомелі аўтамат з цацкамі і ўзлез на яго. Ім зацікавіліся сілавікі
Міліцыя працягвае шукаць удзельнікаў чэленджу трэш-блогера, якія адрозніваюцца «неадэкватнымі паводзінамі» — некаторых ужо затрымалі.
Пра правапарушэнні, звязаныя з гэтым «конкурсам», паведамілі ў УУС Гомельскага аблвыканкама, заўважыла выданне «Сильные Новости».
Хоць якія менавіта дзеянні лічацца незаконнымі не ўдакладняецца, паведамленне суправаджаецца відэанарэзкай, дзе маладыя людзі з плакатамі здымаюць сябе ў розных частках горада і нават у грамадскім транспарце.
Самай экстравагантнай выхадкай стаў эпізод, на якім бачна, як хлопец штурхае аўтамат з цацкамі на набярэжную Сажа і ўзбіраецца на яго. Мы адшукалі гэты ролік на канале bootsik.by, які гандлюе спартыўнымі бутсамі ў Беларусі.
У міліцыі папярэдзілі, што працягваюць маніторыць сацсеткі ў пошуках ролікаў з «неадэкватнымі паводзінамі» і абяцаюць прыцягваць да адказнасці ўдзельнікаў, калі тыя парушаюць грамадскі парадак.
Мяркуючы па кадрах, апублікаваных сілавікамі, некаторых ужо затрымалі. Адзін з хлопцаў на відэа прызнаўся, што «не ведаў, што парушае закон». Якія меры да яго прымянілі, пакуль не паведамляецца.
Цяпер чытаюць
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары