Яшчэ адзін тэатр, які працаваў толькі на беларускай, стаў ставіць спектаклі па-руску
Віцебскі тэатр «Лялька», які да гэтага працаваў толькі на беларускай мове, стаў ставіць спектаклі па-руску. 25 кастрычніка 2025 года там адбылася прэм’ера пастаноўкі «Дзяўчынка і мядзведзь», што ідзе па-руску, піша «Люстэрка».
Спектакль паставіла актрыса Дар’я Зімніцкая, якая нядаўна стала мастацкім кіраўніком тэатра.
Тэатр «Лялька» быў створаны ў 1986-м. З таго часу гэтую пасаду займаў Віктар Клімчук, пры якім спектаклі ставіліся толькі на беларускай мове. У 2024‑м яму прыйшлося сысці са сваёй пасады. Як паведамлялі рэдакцыі крыніцы, Клімчука абвінавацілі ў невыкананні планаў, якія стаяць перад тэатрам. Пры гэтым за гэтую задачу нясе адказнасць не мастацкі кіраўнік, а дырэктар калектыву. Клімчуку вынеслі вымову, што і прывяло да яго сыходу.
Да прэм’еры спектакля «Дзяўчынка і мядзведзь» сярод 28 прафесійных тэатраў Беларусі ўсяго чатыры працавалі выключна на беларускай мове. Купалаўскі і РТБД (у Мінску), Коласаўскі і «Лялька» (у Віцебску). Цяпер такіх тэатраў засталося тры.
Акрамя таго, у жніўні 2025‑га пра планы ставіць спектаклі і на рускай заявілі ў РТБД. У выпадку рэалізацыі гэтай ідэі ў краіне застанецца ўсяго два беларускамоўныя калектывы.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары
Нашая, руская мова была дзяржаўнаю, толькі калі мы былі Літвою. Выснову зробіце самі, ці дапамагчы?