Вучыч не даляцеў да Масквы: яго пасадзілі ў Баку і далей не прапускаюць
Прэзідэнт Сербіі вымушаны быў зрабіць вялікі круг, але да расійскай сталіцы ён пакуль не дабраўся.
Самалёт прэзідэнта Сербіі Аляксандра Вучыча, які накіроўваўся ў Маскву, экстранна сеў у аэрапорце Баку.
Далей Вучыча не пускаюць. Дазвол на палёт прыпынілі з-за небяспекі атакі дронаў у Расіі і працы СПА, пiша сербскае выданне Blic.
Вучыч ляціць у Маскву на парад у гонар 9 мая. На пятніцу ў яго была запланаваная сустрэча з Уладзімірам Пуціным. Самалёту прэзідэнта Сербіі дзеля візіту ў Расію давялося зрабіць вялікі круг: Літва і Латвія адмовіліся яго прапускаць.
У расійскіх аэрапортах сёння хаос з-за атак беспілотнікаў. У Маскве і Санкт-Пецярбургу затрыманыя дзясяткі рэйсаў, людзі чакаюць у самалётах па шмат гадзін. На ўзлётных палосах збраліся вялікія чэргі з бартоў.
Аляксандра Вучыча называлі ў ліку запрошаных гасцей на Парад Перамогі ў Маскве. 3 мая прэзідэнт Сербіі адчуў сябе дрэнна і датэрмінова спыніў візіт у ЗША, а пасля вяртання ў Бялград быў шпіталізаваны. З-за гэтага яго візіт у Маскву апынуўся пад пытаннем. Але ў выніку Вучыч акрыяў і вырашыў ляцець у Расію, нягледзячы на папярэджанні ад еўрапейскіх чыноўнікаў.
Цяпер чытаюць
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары