Vučyč nie dalacieŭ da Maskvy: jaho pasadzili ŭ Baku i dalej nie prapuskajuć
Prezident Sierbii vymušany byŭ zrabić vialiki kruh, ale da rasijskaj stalicy jon pakul nie dabraŭsia.
Samalot prezidenta Sierbii Alaksandra Vučyča, jaki nakiroŭvaŭsia ŭ Maskvu, ekstranna sieŭ u aeraporcie Baku.
Dalej Vučyča nie puskajuć. Dazvoł na palot prypynili z-za niebiaśpieki ataki dronaŭ u Rasii i pracy SPA, piša sierbskaje vydańnie Blic.
Vučyč lacić u Maskvu na parad u honar 9 maja. Na piatnicu ŭ jaho była zapłanavanaja sustreča z Uładzimiram Pucinym. Samalotu prezidenta Sierbii dziela vizitu ŭ Rasiju daviałosia zrabić vialiki kruh: Litva i Łatvija admovilisia jaho prapuskać.
U rasijskich aeraportach siońnia chaos z-za atak bieśpiłotnikaŭ. U Maskvie i Sankt-Pieciarburhu zatrymanyja dziasiatki rejsaŭ, ludzi čakajuć u samalotach pa šmat hadzin. Na ŭźlotnych pałosach zbralisia vialikija čerhi z bartoŭ.
Alaksandra Vučyča nazyvali ŭ liku zaprošanych haściej na Parad Pieramohi ŭ Maskvie. 3 maja prezident Sierbii adčuŭ siabie drenna i daterminova spyniŭ vizit u ZŠA, a paśla viartańnia ŭ Białhrad byŭ špitalizavany. Z-za hetaha jaho vizit u Maskvu apynuŭsia pad pytańniem. Ale ŭ vyniku Vučyč akryjaŭ i vyrašyŭ lacieć u Rasiju, niahledziačy na papiaredžańni ad jeŭrapiejskich čynoŭnikaŭ.
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju21
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary