Грамадства

У Егіпце перакуліўся аўтобус з турыстамі з Беларусі, Расіі і Казахстана

Паездка ў Егіпет для Аляксандры і яе маладога чалавека ледзь не скончылася трагедыяй. 7 мая пара адправілася на экскурсію з Шарм-эш-Шэйха ў Каір. Але назад яны не даехалі: турыстычны аўтобус, у якім знаходзіліся грамадзяне Беларусі, Расіі і Казахстана, перакуліўся прыкладна ў 100 кіламетрах ад Шарм-эш-Шэйха, піша «Анлайнер».

«Пуцёўку ў Егіпет мы набывалі ў беларускім турагенцтве. Прыляцелі на 12 дзён. Жылі ў пяцізоркавым гатэлі. Вырашылі з маладым чалавекам адправіцца на аднадзённую экскурсію ў Каір. Яе арганізоўвала мясцовая кампанія Joyce Tours — яе супрацоўнікі сустракалі нас на тэрыторыі Егіпта», — успамінае Аляксандра.

Ужо на зваротным шляху ў Шарм-эш-Шэйх у прамежку паміж 21.00 і 23.00 адбылася аварыя. Фотаздымкаў з месца здарэння ў турыстаў не захавалася — многім было не да тэлефонаў.

Аўтобус, паводле папярэдняй інфармацыі, паспрабаваў пазбегнуць лабавога сутыкнення з легкавым аўтамабілем, які вылецеў на сустрэчную паласу. Кіроўца збочыў на ўзбочыну, і аўтобус заваліўся на левы бок.

Па словах Аляксандры, сям'я пасажыраў з легкавіка пацярпела мацней за ўсіх: загінулі мужчына і дзіця. Жанчына і яшчэ адно дзіця былі дастаўлены ў цяжкім стане ў бальніцу. Іх спрабаваў рэанімаваць на месцы малады чалавек Аляксандры — ён па прафесіі доктар.

Сярод пасажыраў аўтобуса сур'ёзна пацярпелі дзве жанчыны — з чэрапна-мазгавымі траўмамі іх шпіталізавалі. Астатнія абышліся ўдарамі, ранкамі і шокам.

«Хуткая прыехала прыкладна праз 15-20 хвілін. Тых, у каго былі не такія сур'ёзныя траўмы, перасадзілі ў іншы аўтобус, удакладнілі, хто хоча ў бальніцу, і адвезлі ў бальніцу ў Шарм-эш-Шэйх. Са мной туды паехалі яшчэ пяць турыстаў з Казахстана. Мне зрабілі рэнтген, КТ, але дыягназ не паставілі. Ведаю толькі, што ў мяне ўдар мяккіх тканак спіны, без пераломаў. Таксама засталіся драпіны і сінякі на руках і нагах. У хлопца — таксама сінякі, ён упаў на мяне падчас аварыі».

З-за шоку і стрэсу Аляксандра не адразу звярнулася ў страхавую кампанію — да таго ж яе заплечнік з полісамі застаўся на месцы здарэння.

Паводле яе слоў, усе выдаткі на абследаванне і лячэнне пакрыла кампанія Joyce Tours — тая, што прадавала экскурсію. Таксама турыстам вярнулі грошы.

«Мы заплацілі 240 даляраў за дваіх, вярнулі 200 даляраў. Папрасілі падпісаць распіску, што да турфірмы я не маю ніякіх прэтэнзій».

Аляксандра ўдакладніла ў гіда, ці адбываліся падобныя выпадкі раней.

«Сказалі, што такое ўжо бывала, але ўсё абыходзілася лёгкімі траўмамі».

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»40

Стала вядома, як будзе выглядаць выпраўленая скульптура беларускай жанчыны ў Быхаве19

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай92

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць