Ініцыятыва «Мальдзіс» і выдавецтва «Гутэнберг» выпусцілі Радзівілаўскую карту ВКЛ у падарункавым фармаце.
У студзені «Мальдзіс» выкупіла арыгінальную Радзівілаўскую карту, надрукаваную на лацінскай мове ў Амстэрдаме ў 1631 годзе.
Цяпер набыць копію можна ў дзвюх версіях — з планкамі і без планак. Каштаваць яна будзе 250 і 150 злотых (215 і 129 рублёў) адпаведна.
Заказ можна аформіць на сайце выдавецтва «Гутэнберг».
Карта выраблена лімітаванай серыяй. Памер аркуша: 68 х 70 см.
Карта ахоплівае ўсю тэрыторыю ВКЛ у межах да Люблінскай уніі 1569-га года (да федэратыўнага аб’яднання з Каронай Польскай) і часткова землі суседніх краін.
Ініцыятарам яе стварэння і мецэнатам быў нясвіжскі князь і буйны дзяржаўны дзеяч Мікалай Крыштап Радзівіл (Сіротка), і ў выніку карта ўвайшла ў гісторыю пад ягоным прозвішчам.
Каментары
Mianie vučyli, što karta - heta ŭ metach navihacyi, a ŭsiakija abzornyja, hieahrafičnyja, palityčnyja, hieafrzičnyja, administracyjnyja,...padarunkava-suvienirnyja - heta ŭžo buduć mapy.
Mianie vučyli dobryja nastaŭniki, nie sumniavajciesia.