16 мая ва ўзросце 71 года памерла беларуская радыёвядучая і пісьменніца Людміла Дрожжа. Пра гэта ў сацыяльных сетках паведамілі яе сябры, піша «Люстэрка».
Людміла Дрожжа. Фота: kapyl.by
Людміла Дрожжа нарадзілася ў 1953 годзе ў Капыльскім раёне. У 1977-м скончыла факультэт журналістыкі БДУ і стала рэдактаркай дзіцяча-юнацкай рэдакцыі Рэспубліканскага радыё.
Яна рыхтавала і вяла папулярную ў тыя гады праграму для старшакласнікаў «Рамантыкі».
Пасля заканчэння супрацоўніцтва з Белтэлерадыёкампаніяй працавала ў рэдакцыях часопісаў «Гаспадыня» (2003-2005) і «Хозяин» (2005-2013).
Была аўтаркай шэрагу апавяданняў, якія ўвайшлі ў кнігу «Лінія шчасця».
Каментары