Што апранаць у самалёт, а што — ні ў якім разе: парады сцюардэсы
Амерыканская сцюардэса падзялілася парадамі, якіх варта прытрымлівацца падчас палётаў. Яна расказала, што ў салонах самалётаў можна лёгка падчапіць інфекцыю, таму некаторыя рэчы лепш пакінуць у чамадане.
Ці задумваліся вы калі-небудзь, што надзяваеце ў самалёт? Пасля парадаў сцюардэсы Шэрыл Кілаф у TikTok многія пачалі пераглядаць свае трэвэл-лукі. Яе галоўная парада — закрывайце скуру і не дакранайцеся да падлогі.
Што не варта апранаць у самалёт
1. Камбінезоны — адназначна не. Нават калі гэта ваш улюбёны летні варыянт.
«Гэты камбінезон у кветачкі стане проста губкай. Ён скончыць на падлозе ў прыбіральні, проста прамокне», — кажа Кілаф.
2. Шорты — на думку сцюардэсы, гэта прамая дарога да праблем са скурай.
«Людзі мяняюць брудныя падгузнікі проста на сядзеннях. І блююць таксама. Вы просіцеся на стрэптакок ці стрыгучы лішай, калі апранаеце шорты».
3. Сандалі — так, ногі лепш закрыць.
«На гэтым дывановым пакрыцці людзі і блююць, і возяць хатніх жывёл, і труць аб яго босыя ступні. Я б ніколі не хацела, каб мае пальцы былі побач з гэтым», — папярэджвае яна.
4. Майкі без рукавоў, топы на шлейках — не толькі з гігіенічных, але і з тэмпературных прычын.
«У самалётах холадна. І з пункту гледжання прыстойнасці лепш памыліцца ў бок сціпласці», — дадае сцюардэса.
«Не ненавідзьце мяне. Я не традыцыяналістка-жонка», — удакладняе яна з гумарам.
Што варта апранаць у самалёт
Стыль палёту павінен быць практычным і шматслаёвым.
Кілаф рэкамендуе:
- закрыты абутак і шкарпэткі;
- доўгія штаны або спадніцу;
- базавую майку ці футболку;
- цёплы слой зверху (світэр, худзі, плашч).
«Адна жанчына перагрэлася на борце, і нам прыйшлося зняць з яе адзенне. Яна засталася толькі ў бюстгальтары — больш нічога не мела на сабе», — расказвае сцюардэса, тлумачачы, чаму важна мець некалькі слаёў адзення.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары