Служба знешняй разведкі Расіі выдала паведамленне, распаўсюджанае расійскімі інфармацыйнымі агенцтвамі, што ў Брусэлі, маўляў, пачынаюць прызнаваць тое, што яны памыліліся з прызначэннем Каі Калас на пасаду Высокага прадстаўніка ЕС па замежных справах і палітыцы бяспекі.
«У кулуарах Еўракамісіі з раздражненнем фіксуюць абсалютную некампетэнтнасць Калас… Відавочна, што яна не ў стане ўлічваць нюансы пазіцый краін і можа будаваць толькі спрошчаныя схемы, якія часцяком пазбаўленыя ўсякага сэнсу», — гаворыцца ў паведамленні расійскай разведкі.
Агульная выснова робіцца такая, што «ўкаранёная ў «адзінай Еўропе» практыка кіравацца ў пытаннях высокіх прызначэнняў палавой і нацыянальнай прыналежнасцю ўсё далей адводзіць ЕС ад рэальнай палітыкі».
Кая Калас займае пасаду Высокага прадстаўніка ЕС па замежных справах і палітыцы бяспекі з 1 снежня 2024 года. Дагэтуль яна з 2021 па 2024 гады была прэм'ер-міністаркай Эстоніі. Як і большасць высокапастаўленых палітыкаў з краін Балтыі, Калас не мае ілюзій адносна расійскай палітыкі і на сваёй цяперашняй пасадзе, як і на ранейшай, выступае за моцную падтрымку Еўропай Украіны і непатуранне Расіі.
З цяперашняга паведамлення расійскай Службы знешняй разведкі найперш можна меркаваць, што Кая Калас на пасадзе кіраўніцы еўрапейскай дыпламатыі не задавальняе перадусім расійскія ўлады.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы14
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках8
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары