Школьная форма ў новым навучальным годзе будзе каштаваць ад 270 рублёў. Пра гэта паведаміла на прэс-канферэнцыі старшыня канцэрна «Беллегпрам» Таццяна Лугіна.
— Мы ўжо маніторылі камплектнасць у гэтым годзе. Думаю, кошт будзе недзе ад 270 рублёў. Зразумела, што дыяпазон цэн розны, але за 350 рублёў, думаю, можна будзе апрануць дзіця цалкам. Праўда, без партфеля, але адзенне можна будзе набыць, — сказала Таццяна Лугіна.
Паводле яе слоў, адзінай школьнай формы ў 2025—2026 навучальным годзе не будзе — толькі рэкамендаваныя мадэлі для хлопчыкаў і дзяўчынак.
— Тое, што не будзе адзіных мадэляў або нейкіх канкрэтных сілуэтаў, канструкцый — гэта адназначна ў гэтым годзе. Будзе проста набор рэкамендацый, у рамках якіх само навучальнае завядзенне павінна лакальна прымаць нейкі рэжым працы, — дадала Таццяна Лугіна.
Прадпрыемствы «Беллегпрама» ўжо пашылі больш за мільён адзінак прадукцыі для школьнікаў да новага навучальнага года. Але калі спатрэбіцца, будуць выпускаць яшчэ — часам папулярныя мадэлі дашываюць яшчэ і ў верасні.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары