Свет33

Музей у Амстэрдаме выставіў 200-гадовы прэзерватыў з малюнкам. У музеі — аншлаг

«Ён у ідэальным стане», — запэўнівае куратарка музея.

Амстэрдамскі Дзяржаўны музей (Rijksmuseum) выставіў на агляд набыты ім на аўкцыёне прэзерватыў з малюнкам, зроблены амаль 200 гадоў таму, піша Бі-бі-сі.

Прэзерватыў, як мяркуецца, зроблены з апендыкса авечкі і ўпрыгожаны пікантнай сцэнай з удзелам манашкі і трох святароў.

Гэты рэдкі артэфакт быў выраблены прыкладна ў 1830 годзе. Рэйксмузеум набыў яго на аўкцыёне летась, а цяпер уключыў у выставу, прысвечаную прастытуцыі і сэксу ў XIX стагоддзі.

Куратарка Дзяржаўнага музея Джойс Зелен распавяла Бі-бі-сі, што, калі яна з калегамі ўбачыла гэты прэзерватыў на аўкцыёне, ён іх вельмі насмяшыў. Гандлявацца за яго не прыйшлося: яны аказаліся адзінымі, хто хацеў набыць такі артэфакт. Пасля куплі прэзерватыў агледзелі пры дапамозе ультрафіялетавага святла і вызначылі, што па прызначэнні ён не выкарыстоўваўся.

«Ён у ідэальным стане», — запэўнівае Зелен.

З'яўленне 200-гадовага прэзерватыва ў экспазіцыі выклікала аншлаг у музеі — паглядзець на яго ідуць і старыя, і маладыя.

Па словах Зелен, гэты дзіўны прэзерватыў, верагодна, быў сувенірам з шыкоўнага французскага бордэля. Да нашых дзён захаваліся толькі два падобныя артэфакты.

У тлумачэнні музея да новага экспаната гаворыцца, што ён «уяўляе сабой светлыя і цёмныя бакі сексуальнага здароўя ў эпоху, калі пачуццёвыя асалоды суправаджаліся страхам перад непажаданай цяжарнасцю і хваробамі, што перадаюцца палавым шляхам — асабліва [смяротным у той час] сіфілісам».

На малюнку на прэзерватыве манашка сядзіць з задраным падолам і разсунутымі нагамі, і паказвае пальцам на трох святароў, што стаяць перад ёй з задранымі расамі.

Надпіс на французскай пад малюнкам кажа: «Voilà mon choix» — «вось мой выбар».

Эксперты музея мяркуюць, што малюнак адначасова высмейвае цэлібат і парадзіруе выбар Парыса з грэцкага міфа, у якім царэвіч з Троі мусіў выбраць, якая з трох багінь — Афрадыта, Афіна або Гера — самая прыгожая.

У фондах музея захоўваецца каля 750 тысяч маляваных, друкаваных і фатаграфічных выяваў, але гэты малюнак на прэзерватыве — адзіны такі ва ўсёй калекцыі.

«Наколькі нам вядома, мы — адзіны мастацкі музей, які валодае прэзерватывам з надрукаваным малюнкам», — кажа Джойс Зелен.

Выстава, прысвечаная прастытуцыі і сэксу ў XIX стагоддзі, з гэтым прэзерватывам як галоўнай зоркай, працягнецца да канца лістапада.

Каментары3

  • Filipp
    05.06.2025
    "Выстава, прысвечаная прастытуцыі"
    Куды коціцца свет?
  • Малдэр
    05.06.2025
    Filipp, можа яшчэ прыбраць з музеяў усе амфары з гомаэратычнымі сюжэтамі?
  • Ёсік
    05.06.2025
    [Рэд. выдалена]

Цяпер чытаюць

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Усе навіны →
Усе навіны

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой55

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

больш чытаных навін
больш лайканых навін

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць