Мінчанка купіла кілаграм крэветак і амаль палову выкінула ў сметніцу — адны галовы
«У якім мы былі шоку».
Мінчанка купіла 1,1 кілаграм крэветак за 26,39 рубля і толькі дома пабачыла, што прыкладна 400 грамаў з гэтай пакупкі — гэта галовы, піша «Анлайнер».
Цана крэветак за кіло была 23,99 рубля.
«Вырашыла ўзяць крэветкі на выходныя, для кампаніі, у якім мы былі шоку, калі з усяго аб'ёму выйшла палова галоў! Самі галовы завесілі прыкладна на грам 400», — расказала пакупніца.
Атрымліваецца, 400 грам галоў каштавалі каля 10 рублёў (37,9% ад агульнай сумы). Хутчэй за ўсё, некаторыя пакупнікі наўмысна адрываюць крэветкам галовы проста ў крамах, каб не пераплачваць за лішнія грамы.
Таксама варта ўлічваць, што рэальная вага морапрадуктаў будзе яшчэ меншай пасля размарозкі.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга146
Каментары