Генеральны сакратар НАТА Марк Рутэ, выступаючы ў Лондане заявіў, што краінам-удзельніцам альянсу трэба значна павялічыць свае выдаткі на супрацьпаветраную і супрацьракетную абарону — у пяць разоў, або на 400%. Гэта, паводле яго слоў, неабходна, каб абараніць сябе ад паветраных удараў з боку Расіі, падобных да тых, што яна наносіць ва Украіне.
Рутэ падкрэсліў, што нават калі вайна ва Украіне скончыцца, пагроза з боку Расіі не знікне. Таму НАТА трэба зрабіць «квантавы скачок» у развіцці сваёй абароннай здольнасці. Ён заклікаў альянс стаць «мацнейшым, справядлівейшым і нашмат больш эфектыўным».
У сваёй прамове ў Лондане Рутэ таксама сказаў, што Расія вырабляе ў чатыры разы больш снарадаў, чым увесь НАТА, хаця яе эканоміка ў 25 разоў меншая за сумарны ВУП краін альянсу. Гэта, паводле яго, стала магчымым дзякуючы падтрымцы з боку Кітая, Паўночнай Карэі і Ірана.
Да саміту НАТА, які пройдзе напрыканцы чэрвеня ў Гаазе, чакаецца дамоўленасць аб тым, што краіны будуць выдзяляць да 5% свайго ВУП на абарону. З іх 3,5% пойдуць на тэхніку і армію, яшчэ 1,5% — на інфраструктуру і вайсковую прамысловасць.
Прадстаўнік Крамля Дзмітрый Пяскоў ужо адрэагаваў на гэтыя заявы, назваўшы расійскую пагрозу «эфемернай» і абвінаваціўшы НАТА ў бессэнсоўным марнаванні грошай еўрапейскіх падаткаплатнікаў.
Рутэ таксама выказаў падтрымку спробам прэзідэнта ЗША Дональда Трампа дамагчыся перамір’я ва Украіне і пахваліў яго за аднаўленне дыялогу з Расіяй. Ён заявіў, што вайна можа скончыцца толькі тады, калі Пуцін сам вернецца за стол перамоў і падкрэсліў, што прадстаўнік Крамля Уладзімір Мядзінскі для гэтай ролі непрыдатны.
Нашчадка эмігрантаў з Беларусі прызначылі галоўнакамандуючым аб'яднаных сілаў НАТА ў Еўропе
Генсак НАТА аб аперацыі СБУ «Павуцінне»: Украіна нацэлілася на здольнасць Расіі атакаваць нявінных грамадзян
Дуда: Расія выдыхаецца, а мы мацнеем. А наконт Украіны ў НАТА я з Наўроцкім пагавару
«Цяпер зброя вайны — клавіятура». Брытанія выдаткуе 1 мільярд фунтаў на мадэрнізацыю кібервойскаў
Цяпер чытаюць
Лукашэнка патлумачыў, чаму яго не відаць па серадах і суботах11
Лукашэнка патлумачыў, чаму яго не відаць па серадах і суботах
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары
Дарэчы, Рутэ быў на славутым здымку, калі адчынялі Паўночын Паток. А ў 2021 годзе схлусіў у парламенце пра рахмовы з расіянамі пра трубу.