Новы амерыканскі баявік «Кіраўнікі дзяржаў» (Heads of State) 2 ліпеня выпускае Amazon Prime. У анонсе фільма пра замову супраць сусветных лідараў мільгае Беларусь — з беларускімі вайскоўцамі, сабакамі і калючым дротам.
Сюжэт складаецца з таго, што борт №1 ЗША, у якім ляцяць прэзідэнт ЗША і прэм'ер Брытаніі, збіваюць недзе над «варожай тэрыторыяй».
Выглядае, што гэта «варожая тэрыторыя» — Беларусь. На кадрах (1:36 хвіліна) бачна, як героі хаваюцца ў грузавіку з авечкамі. На ГАЗ — беларускі нумар «8294 СД-3», а да машыны ідзе вайсковец з чырвона-зялёным сцягам на форме.
Вакол бачны калючы дрот і бетонныя блокі, бронетэхніка, вайсковец з сабакам — падобна да кантрольна-прапускнога пункта.
«Кіраўнікі дзяржаў» — гэта экшн-камедыйны фільм, зняты расійскім рэжысёрам Іллёй Найшулерам, вядомым па фільмах «Хардкор» і «Ніхто».
Выхад фільма запланаваны на 2 ліпеня 2025 года.
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары
Адкуль гэта прозвішче памятаю а гэта яго папенька " банк балчуг" стварыл пасля ашукал..на шмааат $ а сынуля за гэтыя грошы кіна здымае " адмывае"))