Адзін з заснавальнікаў легендарнага гурта Beach Boys Браян Уілсан памёр ва ўзросце 82 гады, паведаміла ягоная сям’я. Прычына смерці не называецца, аднак вядома, што Уілсан хварэў на дэменцыю і не мог самастойна клапаціцца пра сябе пасля смерці жонкі ў пачатку 2024 года.
Браян Уілсан нарадзіўся 20 чэрвеня 1942 года ў Каліфорніі. У 1961 годзе разам з братамі Дэнісам і Чарльзам, стрыечным братам Майкам Лавам і сябрам са школы Элам Джардынам яны стварылі гурт Beach Boys. У 1966 годзе яны выпусцілі альбом Pet Sounds, які лічыцца важным этапам у развіцці рок-музыкі 1960-х.
У 2000 годзе Браян Уілсан быў уключаны ў Залу славы санграйтараў. Пол Макартні, які ўручыў яму гэту ўзнагароду, адзначыў, што музыка Уілсана 60-х гадоў дагэтуль выклікае ў яго моцныя эмоцыі і з’яўляецца знакам сапраўднага генія.
У 2014 годзе выйшаў фільм «Каханне і міласэрнасць», які расказвае пра жыццё Уілсана і ягоную барацьбу з псіхічнымі праблемамі і залежнасцямі ў 1960—1980-я гады.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося26
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі99
Каментары