Паводле пратакола, Валерый Зязюлін лаяўся матам на вуліцы ў цэнтры Масквы.
Лефортаўскі раённы суд Масквы адправіў у СІЗА грамадзяніна Беларусі і дырэктара мінскай кампаніі «Авіяцыйная мануфактура» Валерыя Зязюліна, піша «Медыязона».
Зязюліна абвінавачваюць у незаконным экспарце ўзбраенняў з Расіі (частка 1 артыкула 189 КК РФ). Поўнасцю артыкул гучыць так: «Незаконны экспарт з Расійскай Федэрацыі або перадача замежнай асобе ці яе прадстаўніку тавараў або тэхналогій, узбраенняў або ваеннай тэхнікі, незаконнае выкананне работ для замежнай асобы або яе прадстаўніка, альбо незаконнае аказанне паслуг замежнай асобе або яе прадстаўніку, у дачыненні да якіх загадзя для вінаватага ўсталяваны экспартны кантроль». Па ім пагражае да сямі гадоў пазбаўлення волі.
Іншыя падрабязнасці справы невядомыя.
29 мая Зязюліна адправілі пад арышт на 13 сутак па артыкуле аб дробным хуліганстве (частка 1 артыкула 20.1 КаАП). Паводле пратакола, напярэдадні каля 18:00 Зязюлін лаяўся матам на вуліцы ў цэнтры Масквы.
Ён не прызнаў віну і сказаў, што «быў затрыманы супрацоўнікамі ФСБ па іншых абставінах і дастаўлены ў АУС Басманнага раёна». Гэта даволі распаўсюджаная практыка — сілавікі ініцыююць адміністрацыйны арышт за дробнае парушэнне, каб падрыхтаваць матэрыялы па больш сур’ёзным абвінавачванні.
Кампанія «Авіяцыйная мануфактура», якую ўзначальвае Зязюлін, займаецца «апрацоўкай металічных вырабаў з выкарыстаннем асноўных тэхналагічных працэсаў машынабудавання». У яго таксама было ІП у Беларусі, у якасці асноўнага віду дзейнасці ён указаў «аптовы гандаль іншымі машынамі і абсталяваннем». Цяпер яно ўжо закрыта. У Расіі Зязюлін кіраваў кампаніяй «Скайліфт», якая займалася паветраным транспартам. Яна была ліквідаваная ў 2018 годзе.
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука2
Каментары