Міжнароднае агенцтва па атамнай энергіі (МАГАТЭ) паведаміла, што пасля ўдараў па трох ядзерных аб’ектах у Іране — у тым ліку па падземным комплексе ў Фардо — павышэння ўзроўню радыяцыі за межамі аб’ектаў не зафіксавана, а сітуацыя кантралюецца.
Паводле заявы МАГАТЭ, пасля атакі на тры іранскія ядзерныя аб’екты не выяўлена павышэння радыяцыйнага фону. «На гэты момант не зафіксавана ніякага павышэння ўзроўню радыяцыі па-за межамі аб’ектаў», — гаворыцца ў афіцыйным паведамленні арганізацыі. У агенцтве таксама падкрэслілі, што будуць прадастаўляць дадатковыя ацэнкі сітуацыі па меры паступлення новай інфармацыі.
Удару падвергліся, у прыватнасці, падземны завод у Фардо, які з'яўляецца адным з ключавых элементаў іранскай праграмы ўзбагачэння ўрану. Прэзідэнт ЗША Дональд Трамп абвясціў, што ЗША атакавалі тры ядзерныя аб'екты ў Іране — у Фардо, Натанзе і Ісфахане.
МАГАТЭ заклікала ўсе бакі да стрыманасці і падкрэсліла, што доступ назіральнікаў на аб’екты — ключавы для забеспячэння бяспекі і празрыстасці ядзернай праграмы Ірана.
Цяпер чытаюць
«Людзі ідуць у мячэці, а не лечаць псіхічныя хваробы». Беларускі псіхіятр расказаў аб працы ва Узбекістане і ў Польшчы2
Каментары