Сустрэча прэзідэнта Украіны Уладзіміра Зяленскага і прэзідэнта ЗША Дональда Трампа адбудзецца а 21:00 па мінскім часе, што на некалькі гадзін раней, чым планавалася раней.
Сустрэча была запланавана на 23:00 па мінскім часе, аднак яе перанеслі на 21:00. Расклад Белага дома сведчыць аб тым, што а 13:00 па мясцовым часе Трамп прыме ўдзел у двухбаковай сустрэчы з прэзідэнтам Украіны. Сустрэча прэзідэнтаў адбудзецца ў горадзе Палм-Біч, штат Фларыда. Украінская дэлегацыя ўжо ў ЗША, піша «УП».
У склад перамоўнай групы Украіны ўвайшлі: сакратар СНБА Рустэм Умераў, міністр эканомікі Аляксей Собалеў, начальнік Генеральнага штаба УСУ Андрэй Гнатаў, пазаштатны саветнік кіраўніка Офіса прэзідэнта Аляксандр Беўз і першы намеснік міністра замежных спраў Сяргей Кісліца.
Таксама прэзідэнт Украіны назваў 5 тэматычных блокаў, па якім пойдзе гаворка ў перамовах па мірным плане і якія ён хоча абмеркаваць з Трампам на сустрэчы.
«Мы абмяркоўваем гарантыі бяспекі Украіна — Злучаныя Штаты. Гэта адзін дакумент. Мы абмяркоўваем таксама гарантыі бяспекі з Еўропай. Мы абмяркоўваем вайсковае вымярэнне. Гэта частка гарантый бяспекі», — адзначыў прэзідэнт.
Чацвёртым блокам ён згадаў «план дабрабыту, у якім будзе яшчэ шмат розных дакументаў», у рамках якога абмяркоўваецца прыцягненне на аднаўленне Украіны да 800 млрд долараў і стварэнне шэрагу фондаў.
«І пятае, тое, што мы хочам абмеркаваць з прэзідэнтам — гэта план паслядоўных дзеянняў. То-бок мы хочам прапанаваць крок за крокам, як можна зрабіць так, каб усе тыя планы, пра якія я ўжо сказаў, рэальна запрацавалі. Яны, безумоўна, прагавораць усё гэта з рускімі, і будзем мець feedback (зваротную сувязь — рэд.)», — сказаў Зяленскі.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым4
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Агентура з абодвух бакоу́ .
,,Брава,, , Лубянка .
Калі нават і ні аХенты
Адзін персанаж сэрыала іньшы акцэр эпізода " адзін дома"