Спявачка Валерыя прызналася, што ў 47 гадоў зацяжарыла ад Прыгожына
Будучаму дзіцяці паспелі прыдумаць імя, але ўсё закончылася бядой.
57‑гадовая расійская спявачка Валерыя расказала, што зацяжарыла ў 47 гадоў. Аднак у той час моцна захварэла і была вымушана прымаць таблеткі «конскімі дозамі».
«Я не ведала, што цяжарная. Я жудасна захварэла і прымала нейкія жахлівыя антыбіётыкі. Не ўдалося захаваць. Мы нават імя ўжо прыдумалі. Быў дзесьці месяц плоду, калі мы зразумелі, што развіццё затармазілася. Але калі я лячылася гэтымі антыбіётыкамі, мы нават і падумаць не маглі. Нейкая жудасная была інфекцыя, я ляжала з тэмпературай 40, нежывая. Мне нічога не заставалася зрабіць. Хто б мог падумаць…», — падзялілася Валерыя ў інтэрв'ю Яне Чурыкавай.
Спявачка дадала, што не паспела расказаць дзецям пра цяжарнасць — яны даведаліся пра гэта з іншых крыніц, але да таго моманту ў Валерыі ўжо здарыўся выкідыш.
Валерыя замужам за прадзюсарам Іосіфам Прыгожыным. Абое падтрымліваюць расійскую агрэсію ва Украіне, запэўнівалі, што аказваюць фінансавую падтрымку арміі.
Цяпер чытаюць
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў1
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары