У выніку атакі на ўкраінскі горад Дняпро, здзейсненай расійскімі вайскоўцамі напярэдадні, 24 чэрвеня, загінулі 18 чалавек, яшчэ двое — у горадзе Самар, вынікае з заявы кіраўніка абласной ваеннай адміністрацыі Сяргея Лысака.
«У выніку атакі ў рэгіёне ў агульнай складанасці пацярпелі амаль 300 чалавек», — напісаў Лысак у тэлеграме.
У Дняпры ў выніку ўдару зафіксаваныя шматлікія разбурэнні, пад удар таксама трапіў пасажырскі цягнік, што ішоў з Адэсы ў Запарожжа.
«Інфраструктура, навучальныя і медыцынскія ўстановы, адміністрацыйныя будынкі і будынкі Дзяржслужбы па надзвычайных сітуацыях, пасажырскі цягнік. Пашкоджаныя 46 шматпавярховак, 41 прыватны дом, некалькі інтэрнатаў, больш за сотню аўтамабіляў. А яшчэ — запраўка, СТА, гаспадарчыя пабудовы, гандлёвыя павільёны, крамы», — пісаў напярэдадні Лысак.
Расійскія вайскоўцы афіцыйна не каментавалі ўдар па Дняпры.
У загінулай у Сляпянцы дзяўчыне апазналі Яну Кастранкову2
Каментары