U vyniku ataki na ŭkrainski horad Dniapro, ździejśnienaj rasijskimi vajskoŭcami napiaredadni, 24 červienia, zahinuli 18 čałaviek, jašče dvoje — u horadzie Samar, vynikaje z zajavy kiraŭnika abłasnoj vajennaj administracyi Siarhieja Łysaka.
«U vyniku ataki ŭ rehijonie ŭ ahulnaj składanaści paciarpieli amal 300 čałaviek», — napisaŭ Łysak u telehramie.
U Dniapry ŭ vyniku ŭdaru zafiksavanyja šmatlikija razbureńni, pad udar taksama trapiŭ pasažyrski ciahnik, što išoŭ z Adesy ŭ Zaparožža.
«Infrastruktura, navučalnyja i miedycynskija ŭstanovy, administracyjnyja budynki i budynki Dziaržsłužby pa nadzvyčajnych situacyjach, pasažyrski ciahnik. Paškodžanyja 46 šmatpaviarchovak, 41 pryvatny dom, niekalki internataŭ, bolš za sotniu aŭtamabilaŭ. A jašče — zapraŭka, STA, haspadarčyja pabudovy, handlovyja paviljony, kramy», — pisaŭ napiaredadni Łysak.
Rasijskija vajskoŭcy aficyjna nie kamientavali ŭdar pa Dniapry.
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś7
Kamientary