Літва і Латвія ўсё ж прымуць чэмпіянат Еўропы па футзале, а беларусаў адправяць у Славенію
27 чэрвеня УЕФА абвясціла, што Славенія стане трэцяй краінай-гаспадыняй фінальнай стадыі чэмпіянату Еўропы па футзале 2026 года. Турнір пройдзе з 20 студзеня па 7 лютага 2026 года, піша Bet.football.
Такое рашэнне прынята, паколькі Латвія і Літва, якія першапачаткова былі краінамі-гаспадынямі Еўра-2026, забаранілі праводзіць у сябе матчы з удзелам зборнай Беларусі. Каб гарантаваць удзел усіх кваліфікаваных каманд і збалансавана правесці турнір, УЕФА прыняў рашэнне далучыць трэцяга арганізатара — Славенію.
Беларусь, якая заваявала прамую пуцёўку ў фінальную стадыю па выніках асноўнага раунда кваліфікацыі ў красавіку, будзе гуляць усе свае матчы ў Славеніі — у групе C або D.
Славенія прыме 18 матчаў, у тым ліку гульні груп C і D. Асноўныя матчы, у тым ліку два чвэрцьфіналы, паўфіналы, матч за трэцяе месца і фінал, адбудуцца на «Арэне Стожыцы». У трэцім туры групавога этапу, калі гульні будуць праходзіць адначасова, таксама будзе выкарыстаная «Тывалі Арэна».
Латвія і Літва застаюцца суарганізатаркамі турніру: гульні групы А пройдуць у Рызе, групы B — у Коўне, а таксама абодва гарады прымуць па чвэрцьфінале.
УЕФА падзякаваў усім тром краінам-гаспадыням за гнуткасць і супрацоўніцтва, падкрэсліўшы важнасць таго, што чэмпіянат застанецца цэласным і справядлівым для ўсіх удзельнікаў.
Кіраўнік Латвійскай федэрацыі футбола: мы не можам арганізаваць турнір з удзелам Беларусі
У Фінляндыі прынцыпова не будуць паказваць матч сваёй зборнай са зборнай Беларусі
Названы стадыён, дзе зборная Беларусі прыме Шатландыю і Данію ў кваліфікацыі чэмпіянату свету — 2026
У суботу ў Варшаве разыграюць Кубак Івуліна
Цяпер чытаюць
«Самі хутка здохнуць». Фоты з саміта ў Мінску даюць пабачыць Пуціна і Лукашэнку без грыму, а таксама Колю5
Каментары