З 1 ліпеня 2025 года ў Даніі ўвялі абавязковую вайсковую службу для жанчын нароўні з мужчынамі. Рашэнне прынята на фоне росту пагрозы з боку Расіі і неабходнасці ўзмацніць абарону краіны, паведамляе Assotiated Press.
Цяпер усе падданыя дацкага караля, якія дасягнулі 18 гадоў, павінны станавіцца на ўлік у войска і праходзіць адбор. Да гэтага жанчыны маглі служыць толькі добраахвотна.
Раней урад планаваў увесці гэтыя змены з 2027 года, але вырашыў паскорыць рэформу. Тэрмін службы таксама павялічаны — з 4 да 11 месяцаў.
Паводле слоў кіраўніка прызыўной службы палкоўніка Кенета Штрома, гэта неабходна, каб узмацніць баяздольнасць і адпавядаць патрабаванням абарончай палітыкі НАТА.
Цяпер набор у войска адбываецца так: спачатку прымаюць добраахвотнікаў, а астатнія месцы запаўняюцца выпадковым чынам праз латарэю. Плануецца, што да 2033 года штогод на службу будуць прызываць каля 6,5 тысячы чалавек (у 2024 годзе было 4,7 тысячы, з якіх 24% — жанчыны). На сёння ў дацкіх Узброеных сілах служыць каля 9 тысяч прафесійных вайскоўцаў, а насельніцтва краіны — каля 6 мільёнаў чалавек.
Данія стала апошняй краінай Паўночнай Еўропы, якая ўвяла вайсковы абавязак для жанчын. Раней гэта зрабілі Нарвегія (у 2015 годзе) і Швецыя (у 2017-м).
У лютым прэм’ер-міністарка Даніі Метэ Фрэдэрыксен заявіла, што Данія павялічыць выдаткі на абарону на 50 мільярдаў дацкіх крон (прыкладна $7 мільярдаў) у найбліжэйшыя два гады. Гэта давядзе вайсковыя выдаткі да 3% ВУП — самага высокага паказчыка за апошнія 50 гадоў. На саміце НАТА ў чэрвені Данія падтрымала мэту падняць выдаткі да 5% ВУП да 2035 года, як гэтага патрабаваў прэзідэнт ЗША Дональд Трамп.
Фрэдэрыксен падкрэсліла, што Расія ўяўляе сур’ёзную пагрозу, вырабляючы больш боепрыпасаў за тры месяцы, чым НАТА — за цэлы год. Яна назвала вайну ва Украіне вынікам «імперскіх амбіцый» Уладзіміра Пуціна і адзначыла, што не ўпэўненая, што ён спыніцца толькі на гэтай краіне.
«Вакол вайна, вакол бушуе. Вазьміце Фінляндыю». Лукашэнка прачытаў кіношнікам лекцыю па міжнародным становішчы
Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі
«Цяпер зброя вайны — клавіятура». Брытанія выдаткуе 1 мільярд фунтаў на мадэрнізацыю кібервойскаў
Германія вырашыла пакінуць гісторыю ў мінулым і рыхтавацца да вайны
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары
Гэта вам не трындзець на YouTube пра злых мужыкоў, змагацца за квоты для жанчын у КР ці хадзіць на канцэрты Меледзэ.