У горадзе Тузла на паўночным усходзе Босніі і Герцагавіны адбыўся пажар у доме састарэлых, у выніку якога загінулі прынамсі дзесяць чалавек і каля дваццаці былі шпіталізаваныя, паведамляе Euronews.
Паводле паведамленняў, агонь узнік на верхніх паверхах будынка ўвечары 4 лістапада. Некалькі чалавек атрымалі атручэнне чадным газам, трое з іх знаходзяцца ў рэанімацыі.
Пажарнікі і ратавальнікі працавалі на месцы ўсю ноч, эвакуюючы жыхароў і змагаючыся з полымем. Адна з жыхарак інтэрната расказала, што ўжо спала, калі пачула гучныя выбухі і ўбачыла агонь на верхніх паверхах.
Паводле ўладаў, цяпер вядзецца пошук часовага жылля для пажылых людзей, якія выжылі. Прычына пажару пакуль не вызначаная — следчыя пачнуць расследаванне, калі месца здарэння стане бяспечным.
Прэм’ер-міністр краіны Нермін Нікшыч назваў тое, што адбылося, «катастрофай велізарнага маштабу», а прэзідэнт Прэзідыума Босніі і Герцагавіны Жэлька Камшыч выказаў спачуванні родным загінулых і пацярпелых.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву1
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары