Сахашчык пачаў продажы кватэр у сваім новым праекце пад Варшавай
Кампанія Sahaty мае ўсе шанцы, каб захаваць статус найбуйнейшага будаўнічага бізнэсу з беларускім капіталам у Польшчы па выніках 2024 года.
У пачатку лета кампанія Валерыя і Алега Сахашчыкаў Chicago Urban Development скончыла продаж кватэр у першым для іх дэвелаперскім праекце Osiedle Raclawicka ў горадзе Мшчонаў за 40 кіламетраў ад Варшавы.
Як даведаўся тэлеграм-канал Вадзіма Сяховіча, кампанія практычна адразу прыступіла да рэалізацыі жылой нерухомасці ў новым комплексе Zakatek Chmielna ў суседнім горадзе Жырардаў.
Як паведамляе дэвелапер, на гэты момант у ім прадаюцца 8 апартаментаў у першых двух дамах, якія пачалі будавацца. Іх плошча — ад 55,55 кв.м. да 99,43 кв.м.
Кошт нерухомасці ад братоў Сахашчыкаў знаходзіцца ў межах 113-215 тысяч даляраў.
Усяго ў рамках Zakatek Chmielna будзе ўзведзена 15 дамоў з 60 кватэрамі і апартаментамі. Генеральным падрадчыкам жылога комплексу з'яўляецца будаўнічая кампанія былога члена Аб'яднанага пераходнага кабінета Валерыя Сахашчыка і яго сваякоў Sahaty.
У 2023 годзе яна стала найбуйнейшым будаўнічым бізнэсам з беларускім капіталам у Польшчы. І ў яе ёсць усе шанцы, каб захаваць гэты статус і па выніках 2024 года.
Галоўны супернік Sahaty за першы радок, уроцлаўская кампанія BSK, у канцы 2024 года, абвясціла аб прыпыненні сваёй дзейнасці. Прычыны, якія падахвоцілі пайсці на такі крок яе ўладальніка Канстанціна Каліноўскага, не называліся.
Валерый Сахашчык камандаваў брэсцкімі дэсантнікамі. Ужо будучы ў адстаўцы, у 2020-м ён падтрымаў народ на пратэстах. А калі Расія напала на Украіну, рэзка асудзіў Пуціна. Два гады ён быў у кабінеце ў Ціханоўскай, потым зноў з канцамі пайшоў назад у бізнэс.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары