Рыгор Кастусеў, былы старшыня БНФ, выйшаў на волю мінулым летам. За 2024 год ён перажыў тры аперацыі па анкалагічнай хваробе. Сябры палітыка расказалі «Нашай Ніве», як ён сябе адчувае.
Як нам расказалі, Рыгор не аднойчы згадваў, што ў параўнанні з апошнім годам перад вызваленнем цяпер адчувае сябе вельмі добра. Дапамаглі і некалькі аперацый, апошнія з якіх прайшлі ў лістападзе і снежні 2024 года, і лячэнне ў санаторыі.
Апошнія сем месяцаў Кастусёў знаходзіцца пад наглядам дактароў. Кажуць, што прэтэнзій да іх няма — маўляў, стараюцца рабіць усё магчымае.
Нядаўна Рыгор быў на кансультацыі ў Бараўлянах, праз пару тыдняў давядзецца туды вяртацца са зробленым у Шклове УГД. Правядуць абследаванне, па яго выніках, магчыма, спатрэбіцца яшчэ адна аперацыя, але пакуль гэта яшчэ пад пытаннем.
Як сведчаць дактары, «па выніках лячэння прыкметы анкалогіі не назіраюцца».
Рыгора Кастусёва арыштавалі 12 красавіка 2021 года. Палітыку прысудзілі 10 гадоў зняволення па абвінавачванні ў «змове з мэтай захопу ўлады неканстытуцыйным шляхам» (арт. 357 КК). 3 ліпеня 2024 года Кастусёў выйшаў на волю па памілаванні.
За кратамі ў мужчыны знайшлі анкалагічную хваробу. Нягледзячы на гэта, яму ўзмацнілі пакаранне — змясцілі яго ў памяшканне камернага тыпу, а пазней і ў крытую турму. У красавіку 2024-га, калі Кастусёў яшчэ быў за кратамі, яму зрабілі аперацыю. Пасля вызвалення, у лістападзе і снежні 2024-га, давялося перажыць яшчэ дзве аперацыі.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Чакаем у Мінску +1 славутасць!» Блогераў прывезлі ў былую турму на Валадарскага1
«Чакаем у Мінску +1 славутасць!» Блогераў прывезлі ў былую турму на Валадарскага
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары