У вёсцы Ярошыцы Навагрудскага раёна здарылася экалагічная катастрофа — у мясцовай рацэ Ятранка масава загінула рыба. Мясцовыя жыхары паведамілі, што прычынай мог стаць зліў гнаявых сцёкавых вод з малочнатаварнай фермы, піша выданне «Першы».
Людзі заўважылі, што вада ў рацэ стала мутнай, і ў ёй плавалі мёртвыя рыбіны. У сацсетках яны абвінавацілі калгас «Свіцязь» у неаднаразовым зліве гною ў ваду.
На месца выехалі інспектары і спецыялісты па ахове навакольнага асяроддзя. У Міністэрстве прыродных рэсурсаў Беларусі пацвердзілі: сцёкі сапраўды трапілі ў раку з тэрыторыі фермы, і ў выніку загінула шмат рыбы. Былі ўзятыя пробы вады і доннага грунту, цяпер іх аналізуюць у лабараторыі.
Калі парушэнні пацвердзяцца, адказныя асобы і гаспадарка могуць панесці адміністрацыйную або іншую адказнасць. Страты, нанесеныя прыродзе, будуць ацэненыя пасля завяршэння экспертызы.
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары