Альфа Банк паведаміў, што яго карты раптоўна перасталі працаваць за мяжой. Карты плацежнай сістэмы Visa у краінах ЕС, Вялікабрытаніі, Ісландыі, Ліхтэнштэйне, Нарвегіі. Яшчэ пазаўчора працавалі, а цяпер ужо не.
«У лісце, які атрымаў банк ад плацежнай сістэмы, сказана — гэта звязана з санкцыямі».
Гэта азначае, што ў ЕС, а таксама ў Вялікабрытаніі, Ісландыі, Ліхтэнштэйне, Нарвегіі:
- у банкаматах зняць наяўныя не атрымаецца;
- транзакцыі не будуць праходзіць у крамах, інтэрнэт-крамах і анлайн-сэрвісах.
Не зможаце перавесці грошы ў любых сэрвісах пераводаў (з карты на карту). Калі вы карыстаецеся міжнароднымі сэрвісамі з прывязкай аплаты картай, то нават у краінах, дзе карта Visa Альфа Банка працуе, ваш плацёж можа не прайсці.
Напрыклад, у Тбілісі вы прывыклі карыстацца міжнародным сэрвісам таксі, а плацяжы ў яго праходзяць праз Лондан. І гэта значыць, што калі ў вас прывязана Visa Альфа Банка — вашу аплату не прымуць.
Вось дзе карты карты Visa «Альфа Банка» не будуць працаваць: Аўстрыя, Бельгія, Балгарыя, Венгрыя, Германія, Грэцыя, Данія, Ірландыя, Іспанія, Італія, Кіпр, Латвія, Літва, Люксембург, Мальта, Нідэрланды, Польшча, Партугалія, Румынія, Славакія, Славенія, Фінляндыя, Францыя, Харватыя, Чэхія, Швецыя, Эстонія, Вялікабрытанія, Ісландыя, Ліхтэнштэйн, Нарвегія.
Альфа Банк піша: «Мы зрабілі невялікую інструкцыю, каб вы адчувалі сябе камфортна там, дзе могуць узнікнуць праблемы».
Інструкцыя толькі з двух спосабаў:
- перавядзіце грошы на карту іншага беларускага банка;
- выкарыстоўвайце карты Mastercard.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары