Беларусам, якія маюць нерухомасць, прыходзяць паведамленні ад падатковай
Беларусы пачалі атрымліваць паведамленні аб неабходнасці аплаты падатку на маёмасць за 2024 год. Пакуль што ў асабістых кабінетах на сайце Міністэрства па падатках і зборах з’явіліся толькі рахункі за нерухомасць — падаткі на зямлю і транспарт яшчэ не налічаныя, піша «Люстэрка».
З 1 студзеня 2024 года падаткі на транспарт, зямлю і нерухомасць аб’ядналі ў адзін плацеж. Цяпер МПЗ павінна выставіць адзіную суму да аплаты замест трох асобных рахункаў, як было раней.
Калі чалавек атрымаў рахунак толькі за нерухомасць, але таксама валодае зямельным участкам ці аўто, — пазней яму дададуць адпаведныя сумы падатку.
Усе паведамленні павінны прыйсці да 1 кастрычніка — ці праз пошту, ці праз асабісты кабінет (калі чалавек даў на гэта згоду). Аплаціць падаткі трэба да 17 лістапада ўключна (бо 15 і 16 лістапада — выхадныя). Магчыма частковая або датэрміновая аплата.
Тыя, хто не аплаціць падатак своечасова, могуць быць пакараныя. Паводле Кодэкса аб адміністрацыйных правапарушэннях, прадугледжаны штраф — да 40% ад неаплачанай сумы, але не менш за 10 базавых велічынь (гэта цяпер 420 рублёў). Пры паўторным наўмысным парушэнні на працягу года — штраф да 200 базавых (да 8400 рублёў).
Цяпер чытаюць
Зорка брэйкдансу з Віцебска атрымаў 11 гадоў турмы ў Кітаі. Што здарылася?10
Каментары