У Беларусі ўзмоцняць пакаранне за няправільна выкінутае смецце і няскошаны баршчэўнік
Старшыня пастаяннай камісіі Савета Рэспублікі па заканадаўстве і дзяржаўным будаўніцтве Міхаіл Русы паведаміў пра планаванае прыняцце новага закона, які мае ўвесці больш строгія меры супраць тых, хто выкідае смецце, асабліва ў лясах, каля прадпрыемстваў і ўздоўж дарог.
Юрыдычныя асобы пасля прыняцця закона могуць атрымліваць за парушэнні штрафы да тысяч базавых велічынь. Асаблівы акцэнт — на штрафах за смецце з аўтамабіляў: нават за пакет з-пад чыпсаў могуць пакараць даволі сур'ёзна.
Паводле слоў Міхаіла Русага, перш чым ужываць жорсткія меры, улады плануюць акцэнтаваць увагу на інфармаванні насельніцтва. Гэта тычыцца і барацьбы з інвазіўнымі раслінамі, такімі як баршчэўнік і канадскі сумнік. Інвазіўнымі называюць расліны, што былі завезеныя ў Беларусь з іншых рэгіёнаў і зараз наносяць шкоду прыродзе і эканоміцы, выцясняючы мясцовыя віды.
Калі чалавек, напрыклад, не скасіў баршчэўнік на лецішчы, то яму спачатку выдадуць прадпісанне. Калі ж рэагавання не будзе — пачне дзейнічаць механізм адміністрацыйнай адказнасці.
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары