Мінск дасягнуў значных поспехаў у барацьбе з баршчэўнікам Сасноўскага. Як паведаміла намеснік старшыні Мінскага гарадскога камітэта прыродных рэсурсаў Таццяна Дубік на прэс-канферэнцыі, плошча распаўсюджвання гэтай небяспечнай расліны скарацілася з 200 да 14,2 гектара, піша Smartpress.by.
Паводле слоў Дубік, выкарыстоўваецца комплексны падыход: ручныя, механічныя і хімічныя метады барацьбы. Сёлета ўжо завершана хімічная апрацоўка ўсіх вядомых месцаў прарастання.
А квітнеючыя расліны разглядаюцца як надзвычайная сітуацыя — адна такая расліна дае дзесяткі тысяч насення.
Чаму гэта так складана?
-
Насенне баршчэўніка захоўвае ўсходжасць у глебе да 8 гадоў, а сама расліна можа «адкладаць» цвіценне на гады, чакаючы спрыяльных умоў.
-
Адна расліна дае да 100 000 насення, што робіць яе надзвычай жывучай.
Чым небяспечны баршчэўнік?
Апёкі скуры: сок расліны змяшчае фурнакумарыны, якія пад уздзеяннем сонца выклікаюць пухіры і раны, якія доўга не загойваюцца.
Пагроза экалогіі: баршчэўнік выцясняе мясцовыя віды, зніжаючы біяразнастайнасць.
Замест баршчэўніка — залатарнік?
Паводле Дубік, за год плошча распаўсюджвання гэтай інвазіўнай расліны — канадскага залатарніку — павялічылася на 40 % — са 157 да 219 гектараў. Для параўнання, гэта раўнацэнна тэрыторыі больш за 300 футбольных палёў.
Асноўны спосаб барацьбы застаецца традыцыйным — рэгулярнае механічнае скошванне.
«Дадаткова правядзем хімічную апрацоўку найбольш буйных ачагоў прарастання залатарніку. Гэты этап работ мусіць быць завершаны да 20 чэрвеня», — адзначыла эксперт.
Такія тэрміновыя меры тлумачацца агрэсіўнасцю залатарніку — адна расліна здольная вырабляць да 20 тысяч насення, якое хутка разносіцца ветрам. Асаблівую небяспеку ён уяўляе для мясцовых экасістэм, выцясняючы абарыгенныя віды раслін.
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары