Расія заявіла, што больш не звязаная абмежаваннямі на разгортванне ракет сярэдняй і меншай далёкасці
Міністэрства замежных спраў Расіі выдала заяву, у якой сцвярджае, што Расія больш не лічыць сябе звязанай ранейшымі абмежаваннямі на размяшчэнне ракет сярэдняй і меншай далёкасці (РСМД).
Расійскае МЗС заяўляе, што пасля таго, як у 2019 годзе ЗША выйшлі з Дамовы аб ліквідацыі ракет сярэдняй і меншай далёкасці (РСМД), Расія сама прапанавала ўвесці добраахвотны мараторый на размяшчэнне такіх ракет на зямлі. Аднак заходнія краіны гэты заклік праігнаравалі. Такія ракеты, маўляў, ужо ўдзельнічаюць у вучэннях у Еўропе і Азіі, у тым ліку ў Даніі, на Філіпінах, у Аўстраліі і Палау. У гэтых вучэннях выкарыстоўваліся ракетныя комплексы, такія як Mk70, Typhon, Dark Eagle, HIMARS з ракетамі PrSM — усе яны маюць далёкасць, якая адпавядае класу РСМД.
Акрамя гэтага, некаторыя краіны-саюзнікі ЗША, уключаючы Германію, ужо абвясцілі пра гатоўнасць з 2026 года прыняць у сябе гэтыя сістэмы на працяглы тэрмін. Таксама некаторыя краіны плануюць закупіць ці распрацаваць свае ўласныя ракеты з далёкасцю да 5500 кіламетраў.
У сувязі з гэтым Расія, як заяўляе яе МЗС, больш не лічыць сябе звязанай ранейшымі аднабаковымі абмежаваннямі на размяшчэнне РСМД і можа прыняць адпаведныя вайскова-тэхнічныя меры ў адказ. Канчатковыя рашэнні будуць прынятыя ўрадам Расіі ў залежнасці ад далейшага развіцця сітуацыі.
1 жніўня падчас сустрэчы з Аляксандрам Лукашэнкам на востраве Валаам прэзідэнт Расіі Уладзімір Пуцін паведаміў пра запуск у серыйную вытворчасць ракетнага комплекса «Арэшнік». Ён таксама дадаў, што пытанне пастаўкі «Арэшніка» ў Беларусь будзе закрыта да канца года, цяпер выбіраюць месца яго размяшчэння.
Пуцін заявіў аб серыйнай вытворчасці «Арэшніка»
Вальфовіч: «Арэшнік» размесцяць у Беларусі да канца года
На вучэннях «Захад-2025» будуць адпрацоўваць удары тактычнай ядзернай зброяй і «Арэшнікам»
Расія прапануе неразмяшчэнне «Арэшніка» ў Беларусі ўзамен на неразмяшчэнне амерыканскіх балістычных ракет сярэдняй далёкасці ў Еўропе
Цяпер чытаюць
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары
як буханкі .
яна не паляціць