На вучэннях «Захад-2025» будуць адпрацоўваць удары тактычнай ядзернай зброяй і «Арэшнікам»
Вучэнні «Захад-2025» будуць накіраваны супраць заходніх краін, улічаць досвед вайны з Украінай і адпрацуюць ядзерны ўдар. Такія высновы можна зрабіць са слоў Андрэя Багадзеля, намесніка начальніка факультэта Генеральнага штаба Узброеных Сіл Вайсковай акадэміі Беларусі.
«Гэтыя вучэнні не будуць мець абстрактны характар. Мы менавіта ўлічым правядзенне вучэнняў Злучанымі Штатамі і іх саюзнікамі, улічым вайскова-палітычную абстаноўку, якая складаецца сёння на нашым напрамку. Зыходзячы з гэтага, мы правядзём дадзеныя вучэнні», — распавёў СТБ Багадзель.
Паводле яго слоў, у гэтых вучэннях найперш будуць адпрацаваныя «самыя сучасныя формы і спосабы прымянення войскаў» з улікам вядзення вайны ва Украіне.
«Ці будзе прымяненне «Арэшніка» і тактычнай ядзернай зброі адпрацоўвацца? Можна меркаваць, што так», — сказаў ён.
Багадзель кажа, што вайсковае супрацоўніцтва Расіі і Беларусі вядзецца па трох кірунках. Адзін з іх — навучанне вайскоўцаў Беларусі ў ВНУ Расіі. Сёння гэта каля 300 чалавек.
Таксама развіваецца вайскова-тэхнічнае супрацоўніцтва.
«Авіяцыя, беспілотнікі, сістэмы РЭБ — гэта традыцыйныя напрамкі. Ядзернае ўзбраенне — выключнае», — кажа ён.
Вучэнні «Захад» праходзяць раз на два гады. Апошнія адбыліся ў 2021 годзе, бо ў 2023 годзе вучэнні адмянілі праз вайну ва Украіне.
Сёлета ўдзел у вучэннях прымуць каля 13 тысяч беларускіх вайскоўцаў, таксама актыўна будуць задзейнічаныя расійскія сілы.
Вучэнні запланаваныя на восень і разгорнуцца адначасова на палігонах дзвюх краін.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая102
Каментары
Китайские товарищи, с 2023 года, всюду, ясно и чётко, доводят, своим вассалам, простую мысль, о нераспространении ядерного оружия, неприменении ядерного оружия.
Но, для одного, отдельного белоруса, намного важнее медальки путина, чем финансовая, экономическая, политическая независимость его, дружного семейства.
Молчу, о том, что дружное семейство отдельного беларуса, ничего не делает, чтобы обеспечить безопасность на своих границах, снизить там напряжённость, обеспечить безопасность инвестиции китайских товарищей, обеспечить гарантии собственности китайских товарищей в Беларуси, безопасноть передаваемых технологии китайскими товарищами.
Тем самым, один, отдельный беларус, показывает китайским товарищам, что он давно не хозяин в своём, дружном семействе, что, для него, намного важнее медальки путина, чем финансовая, экономическая, политическая независимость его, дружного семейства.