Міністр замежных спраў Расіі Сяргей Лаўроў заявіў, што Масква не прыме гарантыі бяспекі для Украіны, калі яны будуць распрацоўвацца без удзелу Расіі. Ён назваў такія падыходы «шляхам у нікуды» і лічыць, што абмяркоўваць пытанні бяспекі без удзелу Расійскай Федэрацыі — утопія.
Лаўроў адзначыў, што Масква падтрымлівае толькі сапраўды надзейныя гарантыі бяспекі, спасылаючыся на праект Стамбульскіх дамоўленасцяў вясной 2022 года. Паводле яго слоў, Украіна тады нібыта прапанавала замацаваць нейтральны, пазаблокавы і бяз’ядзерны статус, а гарантамі павінны былі стаць пастаянныя члены Рады Бяспекі ААН, уключаючы Расію і Кітай, а таксама згадваліся Германія і Турцыя. Гэта, на думку Лаўрова, забяспечвала роўную і непадзельную бяспеку ўсіх зацікаўленых бакоў.
Аднак жа, паводле стамбульскіх дакументаў, акурат пытанне гарантый бяспекі стала прычынай спынення перамоў вясной 2022 года, бо Расія патрабавала, каб дапамога Украіне ў выпадку новай агрэсіі аказвалася толькі са згоды ўсіх членаў Рады Бяспекі ААН, што дазваляла Маскве блакаваць любую падтрымку.
Тэма гарантый бяспекі для Украіны абмяркоўвалася на сустрэчах прэзідэнтаў Расіі і ЗША Уладзіміра Пуціна і Дональда Трампа на Алясцы 15 жніўня, а таксама падчас перамоў Трампа з украінскім лідарам Уладзімірам Зяленскім і еўрапейскімі саюзнікамі 18 жніўня. Паводле даных выдання Axios, Пуцін выдзяляў Кітай як аднаго з ключавых патэнцыйных гарантаў. Трамп заявіў, што асноўную частку абароны Украіны возьме на сябе Еўропа, а ЗША дапамогуць.
У той жа час 10 краін з «кааліцыі згодных» заявілі пра гатоўнасць размясціць свае войскі ва Украіне пасля завяршэння вайны, у тым ліку Вялікабрытанія і Францыя. Раней заходнія СМІ паведамлялі, што ЗША выключылі магчымасць уступлення Украіны ў НАТО, але прапанавалі гарантыі бяспекі, аналагічныя артыкулу 5 статута Паўночнаатлантычнага саюза, дзе напад на аднаго члена разглядаецца як напад на ўсіх.
МЗС Расіі пракаментаваў магчымасць размяшчэння войскоўцаў краін НАТА ва Украіне
Макрон: Мы павінны дапамагчы Украіне з дапамогай наземных войскаў
Зяленскі пасля саміту ў Белым доме: «Гэта найлепшая наша сустрэча»
«Кааліцыя згодных» гатовая размясціць войскі ва Украіне пасля спынення агню
Абавязацельствы Расіі не нападаць на Еўропу і Украіну мусяць распаўсюджвацца і на Беларусь
Зяленскі: Трэба спыніць агонь і працаваць над мірным пагадненнем. Канстытуцыя не дазваляе «гандляваць зямлёй» — здачы Данбаса не будзе
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары