Польскі салдат паранены на мяжы з Беларуссю пры спробе спыніць мігрантаў
Інцыдэнт адбыўся ўчора вечарам.
Мяжа граніца Польшчы і Беларусі Ansgar Haase picture alliance via Getty Images
Польскі салдат паранены на мяжы з Беларуссю падчас спынення спробы яе парушэння мігрантамі, паведаміла Аператыўнае камандаванне відаў Узброеных сіл Польшчы.
«25 жніўня 2025 года, каля 20:00, непадалёк ад населенага пункта Чарэмха, пры спыненні незаконнага перасячэння мяжы групай агрэсіўна настроеных мігрантаў атрымаў пашкоджанне вайсковец аператыўнай групы «Падляшша». Ён атрымаў траўму левай рукі», — гаворыцца ў паведамленні.
Паведамляецца, што ў яго ў руцэ ўзарвалася шумавая граната.
Салдату аказалі на месцы першую дапамогу, пасля чаго яго даставілі ў бальніцу Беластока, дзе ён атрымаў спецыялізаваную медыцынскую дапамогу. Жыццю вайскоўца нічога не пагражае.
Каментары
1, 2, 3. Каб не сядзелі ціха ў 2020 - гэтага бы не было
[Зрэдагавана]