«Не бачыў іншага выйсця». Бацька праз суд вырашыў адмовіцца ад праблемнага сына
У Мінску адбыўся незвычайны суд аб пазбаўленні бацькоўскіх правоў. Ініцыятарам працэсу стаў сам бацька — ён падаў заяву аб добраахвотнай адмове ад 16-гадовага сына. Прычынай такога рашэння сталі складаныя адносіны, піша «Мінск-Навіны».
Бацькі 16-гадовага юнака ніколі не былі ў шлюбе, з нараджэння да 6 гадоў ён жыў з маці ў Вілейцы. Нягледзячы на тое, што на яе ўтрыманні было трое дзяцей (ад розных бацькоў), жанчына вяла амаральны лад жыцця. Некалькі разоў яна нават спрабавала здзейсніць суіцыд на вачах у дзяцей — яны ўтрымлівалі маці, каб яна не скокнула з акна.
Калі жанчына памерла ад цяжкай хваробы, шасцігадовага хлопчыка бацька забраў у Мінск, але адносіны ў іх не склаліся.
Пераходны ўзрост, папярэднія ўмовы жыцця, адхіленні ў паводзінах — юнак некалькі разоў праходзіў лячэнне ў РНПЦ псіхічнага здароўя — адбіліся на адносінах. Падлетак мог пайсці ў школу і вярнуцца праз тры дні. Ён часта сыходзіў з дому — яго шукалі бацька, педагогі, міліцыя. Быў заўважаны ва ўжыванні алкаголю.
У чарговы раз, калі падлетак сышоў з дому, бацьку патэлефанаваў супрацоўнік міліцыі і сказаў, што сына знайшлі і яго трэба забраць. У РУУС юнаку прапанавалі пагаварыць з бацькам, але той толькі нецэнзурна выказаўся пра бацьку.
Пасля гэтага выпадку 47-гадовы мужчына напісаў заяву пра добраахвотную адмову ад сына, што і стала падставай для пазбаўлення яго бацькоўскіх правоў.
— Бацька юнака афіцыйна працаўладкаваны, не ўжывае алкаголь, у кватэры стварыў усе ўмовы для сына, але не спраўляўся з яго выхаваннем — школу хлопец прагульваў, спортам займацца адмаўляўся, нічым не цікавіўся, — расказвае старшы памочнік пракурора Савецкага раёна Таццяна Літвінчук. — На судовым пасяджэнні бацька згадаў выпадак, калі пасля чарговага іх канфлікту сын падгаварыў старэйшых хлопцаў, каб тыя збілі мужчыну.
Падлетак, у сваю чаргу, казаў, што не хоча, каб бацьку пазбаўлялі бацькоўскіх правоў, што яму дома лепш, чым у прытулку, не адмаўляў, што тата клапаціўся пра яго.
Мужчына падзякаваў яму за такія словы, адзначыўшы, што раней нічога, акрамя нецэнзурных слоў на свой адрас, не чуў.
Ён прызнаўся: рашэнне напісаць адмову ад сына яму далося няпроста, але іншага выйсця ён не бачыць.
Суд прыняў рашэнне пазбавіць мужчыну бацькоўскіх правоў. Але рашэнне суда ў законную сілу не ўступіла.
Цяпер чытаюць
Памёр 50-гадовы спецназавец Буцько. Ён быў удзельнікам выкрадання і забойства Захаранкі і Ганчара36
Каментары
Здесь нужна работа квалифицированных психотерапевтов и психологов. А в школах с зарплатой в эквиваленте ~300 у.е. такие специалисты исключены. А даже если и попадется профессионал, то его загрузят бюрократией, парадами, хоккеями, что будет не до психологии.
Молодец мужчина! С этими бестолочами-зумерами только так нужно! Мордой в суровую правду жизни!....