Дэлегацыі Украіны і ЗША сустрэліся ў Фларыдзе. Стала вядома, якія пытанні абмяркоўваюць
Сустрэча дэлегацый Украіны і ЗША праходзіць у Фларыдзе — у гольф-клубе Стыва Уіткафа ў Маямі.
Амерыканскую дэлегацыю прадстаўляюць дзяржсакратар ЗША Марка Рубіа, спецпасланнік Трампа Стыў Уіткаф і зяць Трампа Джарэд Кушнер. На чале ўкраінскай дэлегацыі — сакратар Рады нацыянальнай бяспекі і абароны Украіны Рустэм Умераў.
The Wall Street Journal са спасылкай на крыніцу піша, што перамовы закрануць магчымасць абмену тэрыторыямі, графік правядзення выбараў ва Украіне і іншыя нявырашаныя пытанні, паведамляе The Wall Street Journal.
У панядзелак Уіткаф і Кушнер плануюць адправіцца ў Маскву, каб працягнуць перамовы з Расіяй, адзначае выданне.
Пра ход сустрэчы пакуль мала што вядома. Уіткаф заявіў, што ацэньвае перамовы «пазітыўна». Першы намеснік міністра ўнутраных спраў Украіны Сяргей Кісліца таксама сказаў пра «цёплую атмасферу».
«Цёплая атмасфера, якая спрыяе патэнцыйнаму прагрэсіўнаму выніку. Выдатнае кіраўніцтва Марка Рубіа. Як і ў Жэневе, я цаню падыход Джарэда Кушнера і тое, як ён выкладае сваё бачанне», — напісаў Кісліца ў X.
На мінулым тыдні Марка Рубіа правёў перамовы з украінскім бокам у Жэневе. Бакі заяўлялі, што дасягнулі прагрэсу ў распрацоўцы мірнага плана.
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»37
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары