У Расіі вызначылі шорт-ліст слоў года. Восем з дванаццаці запазычаныя з англійскай мовы
«Пупупу» можа стаць словам 2025 года. Якія яшчэ словы ў шорт-лісце?
Партал «Грамота.ру» прадставіў шорт-ліст з 12 слоў, якія прэтэндуюць на званне «Слова года — 2025». Лінгвісты ацэньвалі словы, якія альбо з'явіліся ў мове, альбо набылі новае значэнне і паказалі значны рост ужывання ў сацыяльных сетках, СМІ і пошукавых запытах. Гэтыя словы павінны адсутнічаць у акадэмічных слоўніках.
Для фінальнага спісу было адабрана 12 слоў з больш чым 500 кандыдатаў.
У шорт-ліст слоў 2025 года ўвайшлі: «лімб», «праяўленасць», «зумер», «рэд-флаг», «пупупу», «сігма», «імба», «выгаранне», «промпт», «слоп», «брэйнрот» і «падсвяціць».
Ключавым параметрам адбору стаў паказчык медыйнай прысутнасці — наколькі часта слова згадвалася ў 2025 годзе.
Самай яркай тэндэнцыяй стала паўсюднае распаўсюджванне кантэнту, створанага ШІ. Гэтая тэма прадстаўлена словамі: «брэйнрот» (brain rot — стан, калі мозг «гніе» ад лішку бессэнсоўнага кантэнту), «слоп» (slop — нізкаякасны, хутка згенераваны ШІ кантэнт), «промпт» (prompt — запыт, дадзены нейрасетцы).
Назіраецца экспансія ў гутарковую мову слоў, звязаных з папулярнай псіхалогіяй: «праяўленасць» — здольнасць чалавека раскрываць свой унутраны свет перад іншымі, «рэд-флаг» — перастала ўжывацца толькі ў кантэксце адносін і стала абазначаць любыя трывожныя званочкі ў больш шырокім сэнсе.
Некалькі слоў прыйшлі з інтэрнэт-мемаў або камп'ютарных гульняў: «пупупу» (выклічнік) і «імба» (нешта празмерна магутнае).
«Сігма» — слова, якое атрымала «другое дыханне» дзякуючы папулярнасці песні «Сігма-бой».
«Зумер» — разам са словам «сігма» адлюстроўвае патрэбу ў абазначэнні новых тыпажоў (як і леташнія «норміс» і «скуф»).
На заключным этапе запрошаныя эксперты абяруць адно слова з шорт-ліста.
Словам 2024 года па версіі партала «Грамота.ру» стаў назоўнік «вайб». У тройку лідараў тады таксама ўвайшлі «прылёт» і «скуф».
Цяпер чытаюць
«Франак, адносіны паміж людзьмі могуць будавацца не толькі на маніпуляцыях». Пракоп‘еў даў водпаведзь Бяспалаву. І Вячорку43
Каментары
"Скуф" напэўна, самы цікавы выпадак, бо гэта выключна рускае слова, але яно фанэтычна маскіруецца пад інгліш, інакш у людзей няма сацыяльнага прыняцца.
Лінгвістычны карга-культ.