Ён ваяваў ва УСУ з 2023 года.
У Кіеве сёння развіталіся з загінулым каліноўцам «Месяцам».
«Ён прайшоў з намі плячом да пляча вялізны баявы шлях. Некалькі месяцаў таму перайшоў у 13-ю БрОП «Хартыя», але ўсё роўна лічыў сябе часткай вялікай сям'і Палка імя Кастуся Каліноўскага», — паведамляе Полк Каліноўскага ў сваім тэлеграм-канале.
У яго засталася жонка і дзіця, якое нядаўна нарадзілася. Ім збіраюць дапамогу.
Беларус ваяваў у складзе УСУ з 2023 года. Спачатку — як баявы медык, ратуючы жыцці пад Бахмутам, затым служыў у роце агнявой падтрымкі, пазней — у сапёрным падраздзяленні. З 2024 года ён служыў у мінамётным падраздзяленні — менавіта там і загінуў.
«У мінамётцы ён займаўся разлікамі і вельмі нам дапамагаў, — успамінае яго пабрацім. — Яго амаль немагчыма замяніць. Ён навучаў людзей сапёрнай справе, медыцыне, заўсёды правяраў аптэчкі і лекі. На ім трымалася многае важнае — ад аналізу стральбы да складаных разлікаў. Часта менавіта ён знаходзіў прычыны, чаму стральба «не ідзе» — ці з-за паломкі мінамёта, ці з-за недахопу мін».
Цяпер чытаюць
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары